ក្រុមប្រឹក្សាភិបាល

សមាជិក សមាជិកាក្រុមប្រឹក្សាភិបាល មិនមែនគ្រាន់តែស្ម័គ្រចិត្តទេតែត្រូវមានការបោះឆ្នោតគាំទ្រដោយ សន្និបាតជាកញ្ចប់ឬជាឯកត្តបុគ្គល។ លក្ខខណ្ឌ រចនាសម្ព័ន្ធ និងតួនាទីភារកិច្ចរបស់ក្រុមប្រឹក្សាភិបាលមាន ចែងនៅក្នុងបទបញ្ជាផ្ទៃក្នុងរបស់សមាគម។ សមាសភាពនៃក្រុមប្រឹក្សាភិបាលមានចែងនៅក្នុងរចនាសម្ព័ន្ធ។ ក្រុមប្រឹក្សាភិបាលកើតឡើងតាមរយៈការបោះឆ្នោតជាកញ្ចប់រយៈពេល២ឆ្នាំ។

គណៈកម្មការប្រតិបត្តិ

សមាជិក សមាជិកានៃគណៈកម្មការប្រតិបត្តិត្រូវមានការបោះឆ្នោតគាំទ្រដោយសន្និបាតជាកញ្ចប់ ឬជា ឯកត្តបុគ្គល។ លក្ខខណ្ឌ រចនាសម្ព័ន្ធ និងតួនាទីភារកិច្ចរបស់គណៈកម្មការប្រតិបត្តិមានចែងនៅក្នុងបទបញ្ជាផ្ទៃ ក្នុងរបស់សមាគម។ សមាសភាពនៃគណៈកម្មការប្រតិបត្តិមាន៖

ប្រធានគណៈកម្មការប្រតិបត្ដិ

ប្រធានគណៈកម្មការប្រតិបត្តិ គឺជាប្រធានសមាគមនិងជាតំណាងស្របច្បាប់របស់សមាគម ដែលមាន តួនាទីជាអ្នកទទួលបន្ទុកការងាររួម និងទទួលខុសត្រូវនូវគ្រប់សកម្មភាពរបស់សមាគម។ ប្រធានគណៈកម្មការប្រតិបត្ដិកើតឡើងតាមរយៈការបោះឆ្នោតជ្រើសរើសរយៈពេល២ឆ្នាំម្តង។

អនុប្រធានគណៈកម្មការប្រតិបត្តិ

អនុប្រធានសមាគម មានតួនាទី និងភារកិច្ច៖

• ធ្វើការទំនាក់ទំនងជាមួយសហគមន៍ជាតិ អង្គការជាតិ និងអង្គការអន្តរជាតិទាំងក្នុង និងក្រៅប្រទេស

• មានសិទ្ធិស្នើនិងផ្តល់យោបល់ជ្រើសរើសប្រធានកម្មវិធីដើម្បីធ្វើការផ្លាស់ប្តូរឬតែងតាំងផ្សេងៗតាមសេចក្តី ត្រូវការចាំបាច់ក្នុងសមាគម

• ជាតំណាងរបស់ប្រធានករណីប្រធានអវត្តមាន ដែលបានផ្ទេរសិទ្ធិជាប្រធានស្តីទី និងធ្វើជារបាយការណ៍ ឲ្យប្រធាននៅពេលប្រធានត្រឡប់មកវិញ

• អនុប្រធានម្នាក់ទទួលបន្ទុកកម្មវិធីមួយឬច្រើន។

រដ្ឋបាល/ហេរញ្ញិក

រដ្ឋបាល/ហេរញ្ញិក មានតួនាទី និងភារកិច្ចដូចខាងក្រោម៖

• គ្រប់គ្រងការងាររដ្ឋបាល ទ្រព្យសម្បត្ដិ សារពើភណ្ឌ

• រៀបចំលិខិតបទដ្ឋាននិងរក្សាតម្កល់ទុកឯកសារ

• គ្រប់គ្រងការងារបុគ្គលិក

• ធ្វើកំណត់ហេតុអង្គប្រជុំនានានិងអង្គសន្និបាត

• ធ្វើរបាយការណ៍បូកសរុបលទ្ធផលការងារ

• គ្រប់គ្រង និងត្រួតពិនិត្យរាល់ចំណូល ចំណាយរបស់សមាគម

• ស្ថិតនៅក្រោមការគ្រប់គ្រងផ្ទាល់របស់អនុប្រធានសមាគមដែលទទួលបន្ទុក

• ធ្វើគម្រោងថវិកាប្រចាំឆ្នាំ និងធ្វើរបាយការណ៍ហិរញ្ញវត្ថុជូនប្រធានសមាគម ដើម្បីដាក់ជូនទៅគណៈ- កម្មការប្រតិបត្ដិពិនិត្យនិងសម្រេច

• ធានាថាកម្មវិធីព័ត៌មាននិងទំនាក់ទំនងរបស់សមាគមមានដំណើរការប្រកបដោយប្រសិទ្ធភាព។

តួនាទីនិងភារកិច្ចរបស់ប្រធានកម្មវិធី

ក/ ប្រធានកម្មវិធីព័ត៌មាននិងទំនាក់ទំនងមានតួនាទីនិងភារកិច្ច៖

• ធានាថាកម្មវិធីព័ត៌មាននិងទំនាក់ទំនងរបស់សមាគមមានដំណើរការប្រកបដោយប្រសិទ្ធភាព

• ស្ថិតនៅក្រោមការគ្រប់គ្រងផ្ទាល់របស់អនុប្រធានសមាគមដែលទទួលបន្ទុក។

ខ/ ប្រធានកម្មវិធីផែនការនិងរបាយការណ៍មានតួនាទីនិងភារកិច្ច៖

• ធានាថាកម្មវិធីផែនការនិងរបាយការណ៍របស់សមាគមមានដំណើរការប្រកបដោយប្រសិទ្ធភាព

• ស្ថិតនៅក្រោមការគ្រប់គ្រងផ្ទាល់របស់អនុប្រធានសមាគមដែលទទួលបន្ទុក។

គ/ ប្រធានកម្មវិធីសង្គមកិច្ចមានតួនាទីនិងភារកិច្ច៖

• ធានាថាកម្មវិធីសង្គមកិច្ចរបស់សមាគមមានដំណើរការប្រកបដោយប្រសិទ្ធភាព

• ស្ថិតនៅក្រោមការគ្រប់គ្រងផ្ទាល់របស់អនុប្រធានសមាគមដែលទទួលបន្ទុក។

ឃ/ ប្រធានកម្មវិធីសុខភាពនិងស្តារលទ្ធភាពពលកម្មមានតួនាទីនិងភារកិច្ច៖

• ធានាថាកម្មវិធីសង្គមកិច្ចរបស់សមាគមមានដំណើរការប្រកបដោយប្រសិទ្ធភាព

• ស្ថិតនៅក្រោមការគ្រប់គ្រងផ្ទាល់របស់អនុប្រធានសមាគមដែលទទួលបន្ទុក។

ង/ ប្រធានកម្មវិធីតស៊ូមតិនិងផ្សព្វផ្សាយមានតួនាទីនិងភារកិច្ច៖

• ធានាថាកម្មវិធីសង្គមកិច្ចរបស់សមាគមមានដំណើរការប្រកបដោយប្រសិទ្ធភាព

• ស្ថិតនៅក្រោមការគ្រប់គ្រងផ្ទាល់របស់អនុប្រធានសមាគមដែលទទួលបន្ទុក។

ទីប្រឹក្សា

ទីប្រឹក្សាគឺជាបុគ្គលដែលស្ម័គ្រចិត្តផ្តល់គំនិតយោបល់មិនជ្រើសរើសតាមការបោះឆ្នោតក្នុងសន្និបាតទេ។ទីប្រឹក្សាមានពីរកម្រិតគឺទីប្រឹក្សារបស់ក្រុមប្រឹក្សាភិបាលនិងទីប្រឹក្សារបស់គណៈកម្មការប្រតិបត្តិ។ លក្ខខណ្ឌ អាណត្តិ និងតួនាទីភារកិច្ចរបស់ទីប្រឹក្សានេះមានចែងនៅក្នុងបទបញ្ជាផ្ទៃក្នុងរបស់សមាគម។