ទស្សនវិស័យ

ជនមានពិការភាពហង់សិននិងក្រុមគ្រួសារមានគុណភាពជីវិតល្អប្រសើរ និងចូលរួមយ៉ាងសកម្មពេញ លេញស្មើភាពគ្នាក្នុងសង្គមដែលមានការគោរពសិទ្ធិ និងសេចក្តីថ្លៃថ្នូរដែលមានតាំងពីកំណើតរបស់ខ្លួនដើម្បីរួមចំណែកអភិវឌ្ឍន៍ប្រទេសជាតិ។

បេសកកម្ម

សហការជាមួយគ្រប់ភាគីពាក់ព័ន្ធរួមទាំងរាជរដ្ឋាភិបាល អង្គការជាតិ អន្តរជាតិ ដើម្បីលើកកម្ពស់សិទ្ធិជនពិការ និងគោលនយោបាយស្តីពីជនពិការ។

គោលដៅ

ដើម្បីសម្រេចបានទស្សនវិស័យ បេសកកម្ម និងគោលបំណងរបស់ខ្លួនសមាគមដាក់ចេញនូវគោលដៅ ដូចខាងក្រោម៖

• ចូលរួមយ៉ាងសកម្មជាមួយរាជរដ្ឋាភិបាលកម្ពុជាដើម្បីអនុវត្តអនុសញ្ញាស្តីពីសិទ្ធិជនពិការ ច្បាប់ស្តីពីកិច្ចការពារ និងលើកកម្ពស់សិទ្ធិជនពិការ និងគោលនយោបាយផ្សេងៗទៀតទាក់ទងនិងពិការភាព

• ធានាការទទួលបានសេវាសុខុមាលភាពនិងស្តារលទ្ធភាពពលកម្មរបស់សមាជិកគ្រប់រូប

• លើកកម្ពស់ជីវភាពរស់នៅរបស់សមាជិកទាំងអស់ស្របតាមសេដ្ឋកិច្ចជាតិនិងរស់នៅដោយតាមសមត្ថភាព និងលទ្ធភាពរៀងៗខ្លួន

• ផ្លាស់ប្តូរផ្នត់គំនិតអវិជ្ជមានចំពោះជនមានពិការភាពហង់សិនដោយជំរុញឱ្យមនុស្សគ្រប់រូបក្នុងសង្គមយល់ដឹងអំពីជំងឺហង់សិន និងផលវិបាកដែលនាំឱ្យពិការ និងបញ្ឈប់រាល់ទម្រង់នៃការរើសអើង ចំពោះជនមានពិការហង់សិន

• សហការជាមួយស្ថាប័នរដ្ឋ សង្គមស៊ីវិល និងវិស័យឯកជនទាំងនៅក្នុងនិងក្រៅប្រទេសដើម្បីរួមគ្នាធ្វើអ្វីៗគ្រប់យ៉ាងសំដៅបម្រើឧត្តមប្រយោជន៍របស់ជនមានពិការភាពហង់សិននៅកម្ពុជា។

គោលបំណង

សមាជិករបស់ខ្លួនទទួលបានគុណភាពជីវិត មានសិទ្ធិ និងឱកាសដូចគ្នាជាមួយមនុស្សទូទៅលើគ្រប់ ទិដ្ឋភាពសង្គមតាមរយៈ៖

• ការជួយគាំទ្រ លើកស្ទួយ បម្រើ ការពារសិទ្ធិ និងផលប្រយោជន៍របស់ជនពិការហង់សិនឱ្យទទួលនូវសិទ្ធិសេដ្ឋកិច្ច អប់រំ សុខុមាលភាពសង្គម និងសិទ្ធិផ្សេងៗទៀត

• ការបង្កើជាបណ្តាញ សហព័ន្ធ ឬក្រុមជួយខ្លួនឯងដើម្បីប្រមូលផ្តុំជនមានពិការភាពហង់សិននៅតាមរាជធានី ខេត្តសំដៅកសាងជាកម្លាំងសាមគ្គីជួយគ្នាទៅវិញទៅមក និងបង្កើតបានសំឡេងតំណាងតែមួយនៅទូទាំងប្រទេស

• ការកសាងសមត្ថភាពនិងផ្តល់សិទ្ធិអំណាចដល់ជនមានពិការភាពហង់សិន ដើម្បីជាមូលដ្ឋានគ្រឹះក្នុងការទទួលបានឱកាសផ្សេងៗ និងចូលរួមយ៉ាងសកម្មពេញលេញស្មើមុខស្មើមាត់ នៅគ្រប់សកម្មភាពសង្គមរួមទាំងការសម្រេចចិត្តនៅគ្រប់កម្រិត និងចូលរួមជីវភាពនយោបាយផងដែរ

• ការកៀរគរធនធានទាំងក្នុងនិងក្រៅប្រទេសដើម្បីបម្រើសកម្មភាពដែលជាផលប្រយោជន៍រួមរបស់សមាគមដោយយកសមាជិកជាក្រុមគោលដៅជាអាទិភាពរបស់ខ្លួន

គុណតម្លៃ

សមាគម ស.ជ.ហ.ក. ដំណើរការនិងប្រតិបត្តិការការងាររបស់ខ្លួនទាំងថ្នាក់ដឹកនាំនិងសមាជិក សមាជិកា ដោយឈរលើគុណតម្លៃដូចខាងក្រោម៖

• តំណាង: តំណាងឱ្យសំឡេងជនមានពិការភាព កើតឡើងដោយជនមានពិការភាព នៅជាមួយជនមានពិការ ភាព និងដើម្បីបុព្វហេតុជនមានពិការភាពហង់សិន

• អនាម័យ: កាត់បន្ថយការរើសអើងដែលកើតមានចំពោះភាពមិនស្អាតនៃជនមានពិការភាពហង់សិនដោយធានា ថាគ្រប់គ្នាមានអនាម័យនិងភាពស្អាតស្អំផ្នែកកាយសម្បទានិងសតិបញ្ញា

• សាមគ្គីភាពនិងរួបរួម: កៀរគរជនមានពិការភាពហង់សិនទាំងអស់នៅទូទាំងប្រទេសធ្វើការរួមគ្នាក្នុងស្មារតី សាមគ្គីភាពក្នុងនាមជាជនមានប្រភេទពិការភាពដូចៗគ្នាដោយមិនប្រកាន់ពូជសាសន៍ ភេទ អាយុ ព៌ណសម្បុរ ឋានៈសង្គម នយោបាយ ជាតិ សាសនា។

• តម្លាភាពនិងគណនេយ្យភាព: ធានារាល់ប្រតិបត្តិការនិងការអនុវត្តការងារប្រចាំថ្ងៃប្រកបដោយភាពស្មោះត្រង់ តម្លាភាព គណនេយ្យភាព និងការទទួលខុសត្រូវខ្ពស់

• សហប្រតិបត្តិការនិងភាពជាដៃគូ: បើកទូលាយក្នុងការពង្រីកបណ្តាញ បង្កើនមិត្តភាព និងជំរុញឲ្យមានកិច្ចសហ- ប្រតិបត្តិការជាមួយដៃគូជាតិនិងអន្តរជាតិ

• ភាពជាម្ចាស់និងការទទួលខុសត្រូវ: ធ្វើជាម្ចាស់ មានឯករាជ្យភាព និងទទួលខុសត្រូវលើសកម្មភាពការងាររបស់ ខ្លួន។